Actividades polo Día da muller

Co gallo do Día Internacional da Muller Traballadora, o 8 de marzo, as Concellerías de Deporte e Educación e a de Benestar do Concello de Castrelo de Miño presentan para este ano as actividades para conmemorar o día en que se reivindica o papel das mulleres na sociedade en prol da consecución da igualdade co home.

As actividades están encamiñadas a buscar o autocuidado e o benestar da muller, tanto física, como psíquica e socialmente a través de tres áreas: o deporte, o lecer e tempo libre e a participación social. Todas elas están pensadas para todas as idades, son gratuítas e planificáronse para ser atractivas para todas as persoas.

A programación será de tarde e inclúe un taller de risoterapia, merenda, debates, baile e relaxación e estarán supervisadas por técnicos en Deporte, educadores familiares, unha traballadora social, un profesor de baile e unha voluntaria do Consello Infantil de Castrelo.

Elixiuse un espazo amplo e aberto para todas elas, as instalacións do Parque Náutico de Castrelo, aínda que con posibilidade de realizalas a cuberto se o tempo non acompaña.
 
O calendario de actividades será o seguinte:
17:00 - Actividade de risoterapia
18:00 - Merenda "de-batida" (Merenda saudable + debate temático)
19:00 - Obradoiro de baile
20:00 - Sesión de relaxación